A su bonu coro

A bois sardos ch'in su continente .
A sos terremotados azudades.
Su bonu-coro de sa sarda zente,
Cun bona-volontade che leades.

Ca custu populu est semper presente,
Bois sos bator moro altu altzades.
Sardos dae levante a su ponente.
Cun diferentes musicalidades.

De paghe ch'azis giutu sa erveghe,
Su chi podides che giughides totu,
A chie oe est in duferentzia.

Pro s'innotzente chi non tenet neghe,
De esser suta a su terremotu,
Est meda finas sa 'ostra presentzia.

Nicola Loi