Curret su fogu in bratzos de su bentu

Pintande de nigheddu sa natura

E semenat sos campos de tristùra,

De sos buscos lassandennos s'amentu

 

Non podet esser custu su destìnu,

Pro tue chi ses paradisu in terra

Sardigna gloriosa in donzi gherra

Non t'arrendas a unu gestu meschìnu.

 

Colande sa die intrega in sos arbores

De su fumu, chenisa e de fiamas

Eroes an postu fine a s'agonìa

 

Chi distruìat sa bella isula mia.

Su tempus ad'a cosire sas tramas.

E an'a torrare a crescher sos fiores.

 

                                                    Daniele Soru