A s’anzeleddhu Silvanu Carta

In Beranu parti sa vroritura

Ue jocunnas alligras mariposas

Festan sos colores de milli rosas

Pintannela s’aèra chin durcura

Macari gai prango una creatura

In custas tristas oras amargosas

Ca jocanne volatu est Silvaneddhu

A facher in su chelu s’anzeleddhu

Como chi ses in chelu chin Gesùsu

Appartenente a su munnu de susu

Imbialu unu carignu a manneddhu

Imbia a mama e babbu unu vaseddhu

Prenu de vorza e coraggiu bastante

Pro chi l’affronten sa vita restante

Preca pro issos jocunna animeddha

Preca pro Marieddhu creatureddha

Como chi ses in sa Corte regnante

(Segnore meu

Tue chi dezidis has dezisu

Donabilu su paradisu…

…Reposa in pache Silvanè)

- Juanne Villa