Trint'annos de galera pro s'ex vice sindigu de Biddamanna Strisaili Giovanni Olianas e pro Luca Arzu, cunsiderados dae sa Dda de Casteddu sos capos de un'organizatzione chi dae su 2013 a su 2016 at assalidu e rapinadu maicantos  depositos e furgones portavalores in Sardigna.

Poi de otto dies de camera de cossizu, su zuighe Ermengarda Ferrarese, oe, in s'aula bunker de Casteddu, at pronuntziadu sa sententzia de cundenna: guasi duos seculos e mesu a 24 de sos 26 imputados. Solu duos sunt istados assoltos dae tottu sas accusas.

A Olianas e Arzu 30 annos, 20 annos pro Angelo Lostia e Sergio Arzu, 21 annos Fabrizio Manca, 7 annos e mesu pro Gianluigi Olianas, 13 annos a Mario Pirari, 18 annos a Simone Balloi, 4 annos e mesu pro Pasquale Bellu, 12 annos pro Michele Cherchi, 2 annos e 8 meses pro Maria Rosa Coda, 4 annos a Silvana Conti, muzere de Olianas, 8 annos a Salvatore Deriu, 4 annos e 2 meses a Pietro Paolo Lotto, 11 annos pro Antonello Mesina, 3 annos pro Francesco Monni, 4 annos pro Carlo Olianas, 3 annos pro Gavino Pira, 7 annos pro Giovanni Salvatore Pirisi e 10 pro Carmelo Soru, 15 annos pro Pasquale Scanu, 6 anni a Roberto Serra e atterettantu a Manuele e Matteo Soro. 

Si l'ant appida Tania Serra, muzere de Luca Arzu, e Rossano Murru.