Casteddusardu est fattende festa chin sos eventos pro Nadale e Cabuannu. Su Comune e sa Pro loco ant organizadu maicantas manifestasciones. Su 16 de nadale ant fattu sos mercados de Nadale chin su Coru de Nulvi, organizados inpare a su sotziu Amiche della Piazza.

Oe, 26 de nadale, a sas 5 de sero in piazza Pianedda, b’at un ispettaculu circense de sa ditta Vigliacci. Crasa, 27 de nadale, a sas 6 de sero, in sa cattedrale de Sant'Antoni b’ant a essere Maria Luisa Congiu ed Emanuele Garau pro “In die nodidas”.  Ant a cantare “Notte de Chelu” de Pedru Casu, “Celeste tesoro” e finas cantos internatzionales comente “Adeste Fideles” e “Tu scendi dalle stelle”.

Chenabura 28 de nadale, a sas 9 de sero, in sa cheja de Santa Teresa b’ant a essere sos “The Anointed Believers”, gruppu gospel de Atlanta chin Michael Bolden (boghe), Kenneth Bolden (boghe), Sharmar Steven (boghe), Ren Brown (boghe), Demario Gresham (batteria e boghe), Gavin Fanning (tastieras e boghe) e Tevin Leaks (basciu e boghe).

Sapadu 29 in piazza Nuova s’ispettaculu de Federico Bassi, “Solo con Luna”.

Dominiga 30 de nadale a sas 6 de sero, in Piazza Nuova, Shedan Fire Theatre chin “Saman”.

Su 31 est su notte de Cabuannu, sa 18esima editzione in Casteddusardu. In piazza Nuova, a sas 4 de sero, s’istatzione mobile de Radio Supersound. A sas 10 Music Machine chin Sandro Murru Kortezman e Matteo Bruni.

A mesanotte sos fogos dae su casteddu de sos Doria e su cuntzertu de Gianna Nannini chin su tour “Fenomenale”.