Paritzos dannos hontra ‘e sos mezos de s’Associatzione Livas de Gonnosfanadiga.

Sunt istettios sos volonteris a lu aher ishire in Facebook, abisande hi urint ahende sa dennussia a sos Carabineris.

Ant iscrittu: “ non nos est mai agradau a faher perunu abolottu, ma oje semmus hustrintos.

Semmus tristos po su hi est sutzessu, una faina male fatta a sos mezos de s’Associatzione. Ishies hi sos dannos si pagant hin trancuillidade, ma sa hussentzia de sas pessones est mala a sanare.

Galu non semmus rennessios a humprender po hale motivu sunt istettios fattos hustos dannos, semmus triballande de badas po totus, ahende sacrifitzios e privandennos de sas hosas nostras po bos ahuntentare e semmus huntentos de lu aher, ma hando ammus buscau sos dannos nos at curfiu malamente.

 Ishimus hi in medas nos herent bene e nos ant a azudare po torrare a cumintzare  dae derettu.

Ammus fattu sa dennussia, isperande de iscobiare carchi hosa.

Una bidda serena e tranquilla hommente a Gonnos, non podet essere posta in pelea po curpas de carchi male intentzionau”.

“Attività realizzata col contributo della Regione Sardegna - IMPRENTAS 2020-2021. LR 22/2018, art. 22