Istintinu est in festa pro sos 30 annos de autonomia dae su Comune de Tattari. Fit s’8 de austu de su 1988 cando custa bidda de piscadores diventeit autonoma creschende de importu in sos annos finas a essere una de sas biddas printzipales de su nord ovest de sa Sardigna.

Su 15 de nadale, a sas 5 de sero, in sa sala consiliare de Istintinu s'at a celebrare sa ricurrentzia. Sos primos a faeddare ant a essere su sindigu Antonio Diana e sa presidente de su Cossizu comunale Marilena Gadau.

Poi Veronica Benenati at a leggere unu ammentu subra de Gavino Benenati, primu sindigu de Istintinu dae su 1989 a su 1991. Ant a intervennere puru sos sindigos betzos Giovanni Greco (dae su 1991 a su 1998), Lorenzo Diana (dae su 1998 a su 2007). At a tancare Antonio Diana, chi est sindigu dae su 2007.

S'autonomia arriveit finas gratzias a sa lotta politica de unu comitadu chi at a essere ammentadu dae sas testimoniantzias de Gavino Pippia e Fortunato Benenati. Sa manifestascione at a finire chi s'inaugurascione de un'istadua dedicada a sos trint'annos.