Un'iscossa de terremotu de magnitudo 1,5 de s'iscala Richter est istata registrada verso sas 10 de sero deris, 30 de Martu, in sas abbas sud orientales de sa Sardigna.

Su terremotu tiat essere partidu dae 3 chilometres de profundidade, aculzu a Crabonaxa e Castiadas. S'eventu, anomalu pro s'Isula nostra, est istadu comunque de entidade minore e in sas biddas neune at intesu nudda.

S'iscossa est istada registrada dae sos sismografos de su Ingv de Roma.