Sa bidda de Sinnai est in corruttu. Su sindigu Matteo Aledda, chi fit malaidu dae meda, est mortu.

Aledda, chi aiat giompidu 68 annos a inoghe a unu mese, est mortu in domo sua. Sa bidda intrea est addolorada meda dae custa notiscia.

Matteo Aledda fit sindigu dae su 19 de Lampadas de su 2016. Bene chelfidu e amigu de totu, presente e attivu pro sa bidda sua chi aiat in su coro. Gioja passadu, istraccu e debile dae neghe de su male chi lu affigiat, no est resessidu a essere presente a s’ultimu Cossizu comunale.

Sas ultimas bessidas suas sunt istadas sa tzerimonia pro sos mortos in gherra, e sa tzerimonia pro su trasferimentu de unu peideru de Sinnai dae Villanovatulo a Samatzai.

Laureadu in Architettura in s’Universidade de Firentze, cojuadu, babbu de familia, prima de faghere su sindigu isteit assessore a s’Urbanistica.

su