Hompudande in internet abiat buscau una ruspa po 4.200 euro, su bendidore nde heriat 3000 euro de haparras e su restu sa die hi cunsinnavant su mezu.

Un ommine de 61 annos de Seurgus Donigala, non si heriat perder husta possibilidade e abiat cuntattau su bendidore in “Subito”, hustu male intensionau l’abiat imbiau sos documentos de sa ruspa.

A Pustis retzios sos documentos, s’ommine de Seurgus, abiat imbiau sos 3000 euro, ponendesi de accordu hin su bendidore po sa cunsinna de sa ruspa.

A pustis imbiau su dinare e retzios sos documentos, su homporadore est modiu dae Terranòa po Livorno, in uve dopiat attobiare su bendidore, ma hustu non s’est mai presentau.

Una borta ghirau in Sardinna, s’ommine de Seurgus, at dennussiau husta faina a sos Carabineris de Patiòlla.

Sos Carabineris ant buscau hustu male intensionau dae su numeru de telefono hi abiat postu in sa “ Carta Postepay”, in uve su homporadore abiat imbiau su dinare.

Ant dennussiau po s’imbrolliu, unu Sennore de 57 annos de Roccella Jonica, una pessone hi sa Zustissia che honnoshiat sempe po sos propios imbrollios.

Depet benner a Hasteddu po li aher su protzessu, sinono si depet ponner de accordu hin su homporadore de Seurgus po li torrare su dinare.

 

Attività realizzata col contributo della Regione Sardegna - IMPRENTAS 2020-2021. LR 22/2018, art. 22