Dae sa gherra e domo sua est fuidu

Imbarcadu chene mancu ischire

Inue su propriu avvenire

In manos anzenas est finidu

Che merce de mercau l'an bendidu

A sos riccos po los'obbedire

Po los pode pienamente arricchire

E dae nois giai ses male bidu

 

Basta chin custu Egoismu

Chi tantu male giai nos'at portadu

Contra a custu poveru innocente

 

Mirade chi non ch'intra niente

Sa curpa est solamente de s'Istadu

Chi nos'este imparende su Razzismu